പട്ടിണി കിടന്നിട്ടുണ്ടോ ?!
ചോറ്റുപാത്രത്തില്‍ അമ്മ ചോറ് നിറച്ചു കഴിഞ്ഞാല്‍
കലത്തില്‍ ഇനിയാര്‍ക്കും കഴിക്കാന്‍ മിച്ചമില്ലെന്ന് കണ്ട്
കണ്ണ് നിറഞ്ഞ് ചോറുപാത്രം മറന്നുവെച്ച് സ്കൂളില്‍ പോയിട്ടുണ്ടോ ?
കലത്തില്‍ ഇനിയാര്‍ക്കും കഴിക്കാന്‍ മിച്ചമില്ലെന്ന് കണ്ട്
കണ്ണ് നിറഞ്ഞ് ചോറുപാത്രം മറന്നുവെച്ച് സ്കൂളില്‍ പോയിട്ടുണ്ടോ ?
ഉച്ചയ്ക്ക് ഇന്‍റര്‍വെല്‍ സമയത്ത് കഴിക്കാന്‍ ഒന്നുമില്ലാത്തതുകൊണ്ട്
ചുറ്റിലുമുള്ള ഇടവഴികളിലൂടെ കറങ്ങി നടന്ന് സമയം തീര്‍ത്തിട്ടുണ്ടോ ?
ചുറ്റിലുമുള്ള ഇടവഴികളിലൂടെ കറങ്ങി നടന്ന് സമയം തീര്‍ത്തിട്ടുണ്ടോ ?
പാഠപുസ്തകക്കെട്ടിന് വീട്ടിലെ പ്രാരാബ്ധത്തേക്കാള്‍
ഭാരം തോന്നിത്തുടങ്ങിയപ്പോള്‍ പഠിത്തം വിട്ട്
ജോലിക്ക് പോയിത്തുടങ്ങിയത് ഓര്‍മ്മയിലുണ്ടോ ?
ഭാരം തോന്നിത്തുടങ്ങിയപ്പോള്‍ പഠിത്തം വിട്ട്
ജോലിക്ക് പോയിത്തുടങ്ങിയത് ഓര്‍മ്മയിലുണ്ടോ ?
രാത്രിയില്‍ ജോലി കഴിഞ്ഞ് നിങ്ങള്‍ വരുന്നതും നോക്കി
അമ്മയും പെങ്ങളും കറണ്ട് ഇല്ലാത്ത വീട്ടില്‍
എണ്ണ തീര്ന്ന് കരിന്തിരി കത്തുന്ന ചിമ്മിനി വിളക്കിന്‍റെ
വെട്ടത്തില്‍ കാത്തിരിക്കാറുണ്ടോ ?
അമ്മയും പെങ്ങളും കറണ്ട് ഇല്ലാത്ത വീട്ടില്‍
എണ്ണ തീര്ന്ന് കരിന്തിരി കത്തുന്ന ചിമ്മിനി വിളക്കിന്‍റെ
വെട്ടത്തില്‍ കാത്തിരിക്കാറുണ്ടോ ?
നിങ്ങള്‍ കൊടുത്ത അരിയും പൊതികളും വാങ്ങി
വേഗം അടുപ്പത്ത് വെള്ളം വെച്ച് അവര്‍ അന്നത്തെ
അത്താഴം തയ്യാറാക്കി തുടങ്ങുന്നത് നോക്കി
നിങ്ങള്‍ നെടുവീര്പ്പിട്ടിരുന്നിട്ടുണ്ടോ ?
വേഗം അടുപ്പത്ത് വെള്ളം വെച്ച് അവര്‍ അന്നത്തെ
അത്താഴം തയ്യാറാക്കി തുടങ്ങുന്നത് നോക്കി
നിങ്ങള്‍ നെടുവീര്പ്പിട്ടിരുന്നിട്ടുണ്ടോ ?
നാളത്തേക്കുള്ള വകയ്ക്ക് എന്ത് ചെയ്യും എന്ന്
ആലോചിച്ച് ആലോചിച്ച് അത്താഴം കഴിക്കുമ്പോള്‍
തൊണ്ടയില്‍ വറ്റ് തടഞ്ഞിട്ടുണ്ടോ ?
ആലോചിച്ച് ആലോചിച്ച് അത്താഴം കഴിക്കുമ്പോള്‍
തൊണ്ടയില്‍ വറ്റ് തടഞ്ഞിട്ടുണ്ടോ ?
പട്ടിണി എന്നത് വിശന്ന് വയറ് കായുന്ന വികാരം മാത്രമാണെന്നും,
ദാരിദ്ര്യം എന്നത് ഒരു നേരത്തെ ഭക്ഷണപ്പൊതിയോ,
ഒരു കുപ്പായത്തുണിയോ കൊടുത്താല്‍ മാറുന്ന
അവസ്ഥ മാത്രമാണെന്നും അറിയുന്നവര്‍ എത്ര ഭാഗ്യവാന്മാരാണ് !
ദാരിദ്ര്യം എന്നത് ഒരു നേരത്തെ ഭക്ഷണപ്പൊതിയോ,
ഒരു കുപ്പായത്തുണിയോ കൊടുത്താല്‍ മാറുന്ന
അവസ്ഥ മാത്രമാണെന്നും അറിയുന്നവര്‍ എത്ര ഭാഗ്യവാന്മാരാണ് !
